জমক দং (তাড় মান)
(১)
এহো মানওয়া বয়হা
বুঝাওপেসে নওয়া
ধরম দ চেৎ কান,
করম দ অকা কান,
ধরম করমতে হড়কো আসুলঃকান।
ধরম দ বঙ্গা দাড়ে
করমদ কামি কান
ধরম করম রেগে হড় কো সুতুগঃ কান।
সেতাঃ সিঙ্গাড় অজমে
বঙ্গা দাড়ে খজমে
কামিরে কুরুমুটুঃ জহড়ঃ মে।
বুধ আঁকিল হামেট মে
সিবিল সেচেৎ চেচেৎ মে
দিশোম কামিরে রগড়ঃ মে ।।
(2)
আয়ু তওয়া দারে
বাবা জানাম দাতা
য়াঁহা রেগেম তাঁহেন
দিশৗ কিন মে।
বাহের চালাঃ রেহম
রুওয়াড় হিজুঃ রেহম
জাঙ্গা জপঃ জহার
চাল আকিন মে।
আয়ুয় দুলৗড়ামা
বাবায় আঁশিষামা
অনা দাড়ে আমে
গায় গম আমা।
কামি রেয়াঃ কুড়াই
হুয়ুঃ মুরৗই মুরৗই গাহীর খনাং গাহীর
গনং আমা।।
(৩)
জ্বালাপুরি দকো মেনা
জ্বালা পুরি দহায় তিমিন সাঁগিঞ
হেওয়ান খানগে জ্বালাদ হবরান খানগে জ্বালাপুরি।
জ্বালা পুরিরেম জেহে জবেয়াকান
সেতাঃ সিঙ্গাড় জিউয়ী জেঁজেলেঃ কান।
বাবুই রারাঃ কান মাইএ উসৗৎ আকান
অড়াঃরেমা সানাম চাবাওয়াকান।।
নওয়া জ্বালা খনেম বাঞ্চা আ মেনখান
ধরম করম হরে উর্দুঃ আম কান।
ধরম উইহৗর কাম করম দিশৗই তাম
তবেয়ানিচ্ বাঞ্চাঃ হরেম ঞাম।।
আপ হাতুমঃরে উম-তুপুনঃরে
সিঞ বঙ্গাম ঞুমে দানাংরে।।
জাপিৎ সাড়া সাতিঞ ঞিদৗ কুক্মুরে
কামিম দিশৗই তামা মা মাড়াংরে।।
সং সাররে সার বানুঃ
বয়হা কো মিৎ বানুঃ ।
অড়াঃরে ইতৗ রানু
চাবাওয়াকান।
এনহঁ আমাং কামিরে
ছুটাওএম তাঁহেন খান
ঞেলাম ধরম দাড়েয়
সহৎ আম কান।।
(«)
সানাম কামি খনাং
সেচেৎ কামি মারাং
সেচেৎ কামিরেনাং
উমের বানুঃ আনাং
যুদিম কামিয়া জৗলি উমের খনাং
সহর পারমঃ আম দাড়াং খারাং।।
হবর কাঃমে আমাং
রৗস্কা রেঙ্গেচ্ তেতাং
দেয়া কাঃ মে লাজাও
উকু দানাং।
(৬)
সংসার ঝৗলিরেম ঝৗলিয়াকান
মায়া মুহিম তেম মুহিম আকান।
দিশোম হড়কো হানকো
হহওয়াম কানকো আঞ্জম কাতে আমদ হাহো পাপো।।
ধরম দিশৗই তাম
কৗমি সিগিল তাম
আলম তাহেন আম
উকু চোকো।।
(9)
মনে মুরুগ মেসে
জিউয়ী জুলুংমে চাঃ এম দুডুপ আকান ধারুম সারুম।।
কামি কুরুমুটু দাড়াং খারাং ঘুটু
ধুরাও কঃ মে আমদ উদুম সুদুম।।
লোম উনদ আমাং হরদ মার্শালঃ কান
ধরম করম অকা উরুমঃ কান।।
(৮)
সৗরিদো সারিগে
সারিনাঃ সারনা
বানাররেগে লিঙ্গিন
ধরম ঝারনা।
সারিরে ঝিরিঝিরি
সারনারে সিরিসিরি
ঝিরিহিরি ঝারনা
লিঙ্গিন কানা।।
সৗরিরে সারি মেনাঃ
সারনারে সার হেনাঃ
এতম কঁয়ে ককে
লিঙ্গিন কানা।।
সাঁওতারে সনৎ এনা
বার বারসেচ্ পনৎ এনা
ধরম করম হুঁকিন
গেমের কানা।।
(৯)
হড়কো মেমেন কানা আডি সেদায় খনাঃ
সৗরিসে নাসে হান্ডি কো বঙ্গায় কানা।
জাহের রে বাং গানঃ গট রেহ বাং গানঃ
অড়াঃরে চাঃ তবেম বঙ্গায় কানা।
পিলচু হাড়াম বুড়হী মারাং বুরুয়াঃ হুহী
বাং বুঝ তেকিন ঞু লেৎ কানা।
হান্ডি কিন ঞু কেৎ দিশা হঁ কিন আৎ কেৎ
বেধরম কৗমিরেকিন জড়াও এনা।।
সিরজৗও বিরজাও লাগিৎ মারাং বুরুই গটা উরিচ্
ধরম নাসাও এনা সিরজন সারিয়েনা
সাগাল সাগাল হড়কো সাঙ্গেয়েনা
ধরম নাসাও এনা করম লটমএনা
সেঙ্গেল দাঃ তে হড়কো লহম লেনা।
মারাং বুরু হরতে জাহের আয়ু হৗরতে
পিলচু হাড়াম আয়ুরতেকো আয়ুরলেনা।
ঠাকুরাঃ আঁচুতে ধরম গটায়য়েনা
সারি লাহায়েনা সারনা তায়মেনা
হান্ডি রেয়াঃ চলন চাবায়েনা।।
উনরে খেরওয়াল হপন চাই চাম্পা দিশোম
সিঞএ দুয়ৗর তেকো বলয়েনা।
ভৗলওয়ৗ বিজয় আর কৗপি কারাম তাকিন
সিঞে দুওয়ৗর দ কিন বেনাওলেৎ কিন।।
অন্ডে তাঁহে কানা লিলিবিচিয়ানা
লিখন গড়হন গাড় চাতম আনা।।
অন্ডে গটালেনা বঙ্গাবুরু তেনাঃ।
ধরম দ দাঃ কানা করম দ তওয়া কানা
সিম মেরম দকো দাঁড়ে কানা।।
হান্ডি পাউরৗ দ বেধরম কানা
ধরম করম সানাম নাশাঃ কানা।।
অনা হর হরতেগে লুচৗ - লালাচিয়ৗ
লাসের হাতাং হড়কো বলয়েনা।
ঊনকো কো লৗলাই কানা, হান্ডি পাউরৗ ধরম কানা
আডি সেদায় খনাঃ মেনাঃ আনা।
আকোদকো ব্যবসা কানা পয়সাকো রোজগারানা
আমদ নিতহঁ হান্ডিম ঞুঞু কানা।।
ধরম নাসাওএনা করম সাহায়েনা
লাসের হাতাং ইতৗ লাঁবাও এনা।।
দায়াগে সিঞ গাড় মায়াগে মান গাড়
আডি মুহিমরে মালট এনা।
হড়কো কিসাড়েমা আমদম রেঙ্গেচ্ এনা।
হায়রে ঝারি বাইহাড় লি-লৗ-মেনা।।
দাঃ দ চডরমে তওয়াদ দুলমে।
এনহ বঙ্গা বুরুকো কুশিয়ামা।
ধরম ভরমামা করম অর্সং আমা
ধন দুরীব সানাম বাসাওয়া মা।।
কোন মন্তব্য নেই:
একটি মন্তব্য পোস্ট করুন