মিলন শিকড়ি
রবিলোচন মুরমু
তিনৗঃ দুলৗড় তে নিতোঃ দ তালা অড়াঃ
পাহিল মাত চিনহৗপ বাঁচে বাংলাং রড়া
রড় রপড় এপেম চাপাল বারয়া মনে তলেন
যা উডৗং চিনহৗপ তেনাঃ অনাহঁ পুরৗওয়েন
তলতপল জিয়ৗদ তেগে জীয়ি দ সিরজৗওয়েন
ছেচ বেচ গিদরৗ তেগে দমে ডাহারেন ৷
বাংএম বাতাও মানা আমদ কামি কেবে কেবে
ইঞমাত চিৎ ইঞ চিকৗয় কয়ঃ ডোবে ডেবে
দেয়ায় মেসে কামি নিতোঃ দ দেলাং রপড়া
পাহিল তেনাঃ সারেচ কাথা দেলাং গাবড়া ৷
জুরি তাহেন ভোর গে ত দুখ ক এপেমা
তারা কেচাঃ হোয়েন সে বাংচ ঞাপামা ৷
জুরি গেত জুরি কাথায় বুঝ তিয়োগা
জুরি বেগকে জরি কাথা অকয় বুঝৗওয়া ৷
