রৗড় (উইহৗর দং) (শিকার তাড়)
(1)
সেদায় সিরিজল আমগে সিরিজল
চাঃ বাং সিরিজলেম মুলিন আকান।।
দিশৗয়েৎ কোওয়াম খেরওয়াল বয়হা কোতাম পেয়া পনৎ রেকো হাঁটিঞ আকান।।
অলকো রেপেচ্ কান
ধরমকো রেপেচ্ কান
জুগুৎ জুমিদ খনকো ছাপাড়াঃ কান।।
(২)
হড়কো লাহায়েনা সানাম কামিতেদ
আমদ খেরওয়াল বয়হা মেৎ এম বেদঃ
নিত্ এম দিশায়েদা আডি তায়ম রেদ
মেৎ দাঃ জরঃ বয়হা মেৎ এম জদঃ।
অলঃ পাড়হা তেদ দেবন লাহা হদঃ
সেচেৎ বেগর হরদ বানুঃ আদ
ধরমগে ধনদ করমগে দাড়েদ
হিসকৗ বন হিড়িঞ আদ দেবন মিদঃ।।
(G)
নুমিন মারাং জীয়ন গাডা
চেকা তেলাং পারম মারাং দাদা।
ধরম তওয়া দারে
করম জানাম দাতা
ঊনকিন উইহৗর তেলাং পারম চালাঃ।।
**:
আমগে তওয়া দারে
মায়াম চেতান খনেম অওয়ার লিদিঞ
আলম রাগা আয়ু সিঙ্গি সিঞ
সেঙ্গেল চেতান খনিঞ
অওয়ারমে ইঞ।।
লে-লেঙ্গেচ্ মঞ্চপুরি
***
ঞেল জংমে দুলৗড় শিশির জালি
আলম হিড়িঞা ধরম করম সীরি
সিলি সামানম আরি চালি।।
বয়হা মিশএরা সৗগাই
হয় রিমিল বিজলী বারাবারি
গুজুঃ গুরুঃরে পেড়াকো লৗলাই
বুগি বাড়িরে হিরি হিপরি।।
সংসার রেয়াঃ নওয়া ধরম করম সারি
মৗনমি মুলুকরে মেনাঃ আরি।।
(8)
***
এ গড় দুলৗড
দেলা বাই বাইতেঞ লৗই আমা
ইঞদ হাড়াম বাড়া বাড়ারেন বাড়া আমদ সহাগৗঞ দৗই আমা।।
ইঞ জিউয়ৗৎ রেগে হারা উমের রেগে
সার সাগুন কাতে জাওয়ায় কামা
লৗই আওমৗঞ যাঁহা তিসগে আলম হিড়িঞা
যায় যুগ জিউয়ীরে সাঁওয়ায়ামা।
চৗল চুগুল হড়াঃ ছল চিগৗরি আলম রড়া
দারসে দালে হড়ম আলম তাসের তামা।
যাঁহা তিরেম দাড়ান আতোরে হুডিঞ মারাং সিবিল সড়ম সৗগাইতেম রড় দারামা।
পেড়া পৗরভা কোতাম মঞ্জতেম দারাম কোতাম লটা দাঃ আতে গড জহার দম এমা।
যাঁহা খনে হিজুঃ খান জিউয়ী জুরী তাম
মুলুচ্ মুলুচ্ আতেম রড় দারাম
নওয়াগে সংসার রেনাঃ ধরম করম কান
দিশৗ দহ কাম জনম জনম।
(৫)
কিয়ৗ কারাম ডৗর জিউয়ী জিয়ৗ ডৗর
সুর সুপুরালাং সুলুক সৗগাই
দিশৗয়ালাং ভৗলাই হুয়ুঃ রেহঁ কাঁই
চাঁন্দয় সং আলাং আসুলুক নিরাই।
মারাং তালা সাঁজি মাঝলি হপন মাই
মারাং তালা সাঁজলা মাঝলা হপন সৗগাঁই
মারাং দাদা আর মারাং দৗই
ধরম করম লেকা বয়হা মিস এরা সৗগাঁই
আডি গে দামানা নওয়াকো রাঁই।।
বাং এ মানাও লেরে যাহায় নওয়াকো রাই
উনি দ বেধরম সমাজে লৗই।
(৬)
যাহা সেনেঞ চালাঃরে যাঁহা খনেঞ হিজুঃরে
মজগে রড়াইঞ মেসে মায়ন মিরু
আমগে দিশৗরে মেনাম জিউয়ীরে
আমগে ইঞরেন মেনাম চুরুবুরু।
যাহা সেনেম চালাঃ রে যাহা খনেম হিজুঃ রে
আমগেঞ দিশৗমেয়া দুলৗড় মিরু।
জঃ-রাচারে ইসিন বাসাংরে
আমগে ইঞরেন মেনাম মারাং বুরু।।
জুরি তিরি সহাগ তিসহঁ বাং লাং বাপাগ
জুরি দুলৗড় মালা বাং লাং তপাগ
ধরম করম সারি জুরি জীয়ন জারি
যুগ যুগ জিয়ৗড়ঃ মা মিলন আরি।।
(৭)
ইংরেজী সালরেনাং দু হাজার দশরে বেঙ্গল পনতরে
এগারটি জেলারেয় আকাল কেদা।
গাড়া মুডুরে দাঃ বানুঃ বাঁধরে
বৗদ বৗইহৗড়রে হুডু বাংক রহয় লেদা।।
বুরু দিশোমরে জম্মু কাশ্মির রেয়াং লাদাখরে
আরহঁ বদ্রিনাথ বুরু ধামরে
রিমিল তাপাকিতে উলৗট কাচাড়েন
বতরগে দাঃ দ ডিং ডাবুরেন।
বুরু ধাসুড়েন অড়াঃ লাদুঃএন।
আথৗন হড়কো তপা গচ এন
(বাংদ) ধরম ধাসাও এন. নিয়াম নাসাওএন
বতরগে বাং ঞেলাঃ নেশদ ঞেল এন।।
অড়াঃরে জমাঃ বানুঃ গিদরৗ খুনুঃ খুনুঃ
একাল চাবায়েনা ইতৗ রানু।
মানাওপে নেয়াম নীতি এহো মানওয়া জাতি
ধরম করম রেদ বতর বৗনুঃ।
(৮)
মড়ে তুরুই কো মেনা উনকো কোদ কো অকয় কো কান
মড়ে কোদ মড়ে বয়হা, তুরুই কোদ তুরুই বয়হা মানওয়া হড়মরেকো আঙ্গেন আকান।
মড়ে কোদ মড়ে বয়হা, মড়ে লেকানাং দাড়ে
মেৎ, লুতুর, মু, আলাং, হারতা
নওয়া কোরেগেকো জাপাড়া কান।
তুরুই কোদ তুরুই বয়হা তুরুই লেকান দাড়ে
মায়া, দায়া, দুলৗড়, ঝুক, এদূরে লালহাও
নওয়া কোরে তেকো সদরঃ কান।।
ধরমদ খাম খুন্টি, করম দ সাতে সাড়িম
জীয়ন অড়াঃ রেকো মাডেরঃ কান।
(৯)
ধরম করম কো মেনা
ধরম করমদ তিস গটালেনা।
খজ খামান রেবন খজ লেনা
সাসাং বেডারেবন জৗত্ লেনা।।
জারপি দিশোমরে চিতরী ঘুটুরে
মারাং বুরু আয়ুরতেবন আয়ুরলেনা।
গেল সেরমা গে বার সেরমা
আচার লেনা বিচার লেনা।
পিলচু হাড়াম পারগানায় তাঁহেকানা।
এরে আতনাঃ খুদি মাতকম, লেপেচ তেরেল লাবাড় বাড়ে
সারি সারজম দারে তাঁহে কানা।।
কেঁরেঁ ডাডি রেনাং সেতেঞ দাঃ
ঞ -তেগে আঞ্জেৎলেনা।
ধরম গটায়েনা করম বুটায়েনা
সাত সিন্দরৗধান আরি জারিয়েনা
সারজম দারে বুটৗরে বিচার সারিয়েনা সারি ধরমগে সারিয়েনা।।
কোন মন্তব্য নেই:
একটি মন্তব্য পোস্ট করুন