সাগিঞ দিশম সাগিঞ পেড়া
উইহার মিয়াঞ সারা বেড়া
বেরেল সাসাং গাবাও মনে জিউয়ি
বেধাও লেনা জুরি নাড়িতে
হারয়াড় লেগেচ্ লেনা দুলাড় সারি
সিবিল সিবিল রড় লান্দাতে
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!
জিউয়ি জিরি হিরি জিয়াড় ঝার্নারে
লিগি মেসা মেনা মনেদ
সের্মা পুড় রহলা দানাং রিপি রিপি
উডাও মেসা লেনা রাহাদ
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!
বাগান বাহা ভাওয়ার উরু লেকা
তঁগে তাঁহেকানা মিৎ সাগাই
উডাও সাহায় এনাম বির চেঁড়ে লেকা
হাতাও কেদাম তপাঃ বিদাই
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!!
লিল সামুদ দরয়া দাঃ যাঁহালেকা
হুরলা হুরলি তাপিঞ হেলকাঃ
ঞিদাঃ জাপিৎ সাড়াসাতে নওয়া অন্তরে
মহর মুখান আমাঃ ঝালকাঃ
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!!!
Sanghariya Tudu
কোন মন্তব্য নেই:
একটি মন্তব্য পোস্ট করুন