হান্ডে নান্ডে খন তুমৗল হাতাওয়াকানা কিছূৃু দ অল হুয়াকানা ৷আপেয়াঃ ক হ উছৗন লাগিৎতে WHATSAPP NO 7679099063 নওয়ারে ভেজায়পে আপেকওয়াঃ ঞুতুম সাঁওতেয় ৷
উজাড়_জিউয়ি
পুখরী লাতার সকড়া ধারে
সিরম লেকা লেগেচ্ লেগেচ্
সিবিল সাগাই তালাং তপল
দান্ধিলেন.........
বাইহাড় রাকাব সিন্ধরী দারে
চেতান আলাক জাড়ি নাড়ি
লেকা মনে গাঃ-গালাং মেসাঃ
বাধিলেন..........
চাৎ বাইশাক জারাল সিতুং
নাই গাডা ঝার্না দাঃ লেকা
ঞেল ঞেলতে ইঞরে সহাগ
আধিয়েন.........
দহঁ মারে শিকল বাবের লেকা
সাতে কচারে তাঁহেকানা আকা
তল সাগাই তালাং খিদি খিদি
খাদিয়েন..........
# সাঁঘারিয়া_টুড
সিবিল_সড়ম
পোইলো রপড় রেগে মনেদ
আমরে ঝালিয়েনা,
সারো মিরু রড় আড়াং তাম
সিবিল রড় লান্দাতে মনেদ
আমরে বাসায়েনা,
সিঁগি ঞিদায় উইহার তাম
অকয় গড়হনিয়া বেনাও কেৎ মেয়া আম!!!!!
বাঘ জুনুঃ লেকা রুপ তামদ
জুলুদ জুলুদ
মাড়ার বাঁহা আরাঃ লুটি তাম,
কায়রা পুঁগি এসেল হড়মঃ তামদ
লেয়ের কদর
পাঠে বান্দে উডাঃ আন্চার তাম,
মনে রেনাঃ উকু কাথা সদর ইঞ মেসে
আম!!!!
টেরা টেরা রিপিৎ কয়গ তামদ
বিলিৎ বালাৎ
খায়রি সাদম চাওয়ার উব্ তাম,
লেগেম হেলকাও তাড়াম তামদ
লিসয় লসয়
জাঁগা তড়া ঝ্ম ঝ্ম সাডে তাম,
গাতে রেবেন খানেম তাড়াম তিয়ো
মিয়াঞ আম!!!
# জঁহার
Sanghariya Tudu
মনে_মালা
নীল সের্মা ইপিল চাঁন্দো লেকা
তাঁহেন সানাঞ গাতে
সাড় বাঁহারে ভাওয়ার লেকা
রড় আমিঞ কেনেকতে!!!!
কয়গ আকাৎ সানাঞা আমাঃ
বঁগা মহর মুখান তাম
আতেন আকাৎ সানাঞা আমাঃ
সারো মিরু আড়াং তাম!!!
সুৎরে সাসাং বাঁহা রেবেৎ
মনে মহকাও ইঞাঃ
রুপরে কুনামী চান্দো জেরেৎ
জিউয়ী হেলকাও ইঞাঃ
টাঁন্ডি টিরম চেঁড়ে লেকা ইঞ
উকু খিলডু সানাঞা
রিচি পাঝাড় চেঁড়ে মনেতিঞ
উডাও আগেনঃ সানাঞা!!!!
Sanghariya Tudu
কুকমু রেনাঃ হাসা দলান অড়াঃ
তিহিঞ লাদুড়েন তিঞাঃ
অঁহগে সাহাঃ কানা জিউয়ী জলন
কড়াম খান্চারে ইঞাঃ
সাজাও কুকমু তিঞ ভাগড়েনা
আশা মনে তিহিঞ কাসায়েনা.......!!!!
মনে বাগানরে যতন রহয় বাহা দারে
তিহিঞ ছিতিবিতি উজাড়
সের্মা জাড়ি দাঃ লেকা সাকিৎ রহড়
হায়রে ইঞাঃ তপাঃ দুলাড়
সাজাও কুকমু তিঞ ভাগড়েনা
আশা মনে তিহিঞ কাসায়েনা.......!!!!
হরতে তাড়াম তাড়াম তিঞ তহদঃ
গাতে আম উইহারতে
মেৎহা চেতান মেৎদাঃ ইঞ জদঃ
গাতে আম দিশাতে
সাজাও কুকমু তিঞ ভাগড়েনা
আশা মনে তিহিঞ কাসায়েনা.......!!!!
বিছক জিউয়ী লঃ তিঞ মগদ মগদ
বুরসি সেঁগেল লেকা
ঞুহুম ঞুৎ সাওতে দিনম ইঞ রাগা
ঞিদাঃ চেঁড়ে লেকা
সাজাও কুকমু তিঞ ভাগড়েনা
আশা মনে তিহিঞ কাসায়েনা.......!!!!
Sanghariya Tudu
ভাগড়_কুকমু
ইঞাঃ অন্তর জিউয়ী খনাঃ বাড়তিঞ
দুলাড় লেৎমে গাতে
আঁটাল কড়াম খান্চা রেমা আমগিঞ
বাসা লেৎমে গাতে!!!
আম গেসে, আমা মনে খনাঃ এম
সাহা সাগিঞ কাদিঞ
ইঞাঃ মনে মুদরী রেদ খদা মেনাম
লাহা লেকাগে তিহিঞ!!!
আতনাঃ ডাডি ঝার্না দাঃ তিরপি আরেচ
রেয়াড় রিতিচ্ রিতিচ্
ঢঁগা দারহা চেতান হেন্দে ধিরি চাটানি রে
পান্তে পান্তে গিতিচ্!!
দানাং চালাওয়েন দিন রেনাঃ কাথাঃ
হিড়িঞ কেদাম তিহিঞ
অন্তর কড়াম রে ছাপা মুখান আমাঃ
হায়রে চিকাঞ হিড়িঞ!!!!!
গাতে বাচম উইহার রিঞ কান আমদ
দুখ দরয়া রেম বোহেল কাদিঞ ইঞদ
লাফাং ডার রেনাঃ সাড় বাহা
গুতু গালাং লিদিঞ মালা
জগাও জতন রেগে গসঃ রহড়েন
অকয়ে বুঝাও ইঞাঃ জালা
গাতে বাচম উইহার রিঞ কান আমদ
দুখ দরয়া রেম বোহেল কাদিঞ ইঞদ!!!!
তিনাঃ ইঞ রিকায় মনে খনাঃ
গাতে আম হিড়িঞ সাগিঞ
উনাঃ বাড়তি ইঞ উইহার মেয়া
সিগি সিঞ সিগি ঞিদাঃ ইঞ
গাতে বাচম উইহার রিঞ কান আমদ
দুখ দরয়া রেম বোহেল কাদিঞ ইঞদ!!!
তপাঃ আকান দুলাড় জড়ন শিকড়ি
রাপুৎ আকান কুকমু দলান
উজাড় আকান বেনাও বাহা বাগান
নিঝুম নিঝুম নওয়া মনে
গাতে বাচম উইহার রিঞ কান আমদ
দুখ দরয়া রেম বোহেল কাদিঞ ইঞদ!!!!
সেতেঞ লিগিন ইঞাঃ মেৎ খনাঃ মেৎদাঃ
অকয়ে বাডায় তিহ হাজেদঃ
সেঁগেল দাঃ লেকা হড়মো সিররে মায়াং
অকয়ে বাডায় তিস রাড়েজঃ
গাতে বাচম উইহার রিঞ কান আমদ
দুখ দরয়া রেম বোহেল কাদিঞ ইঞদ!!!
Sanghariya Tudu
সাগিঞ দিশম সাগিঞ পেড়া
উইহার মিয়াঞ সারা বেড়া
বেরেল সাসাং গাবাও মনে জিউয়ি
বেধাও লেনা জুরি নাড়িতে
হারয়াড় লেগেচ্ লেনা দুলাড় সারি
সিবিল সিবিল রড় লান্দাতে
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!
জিউয়ি জিরি হিরি জিয়াড় ঝার্নারে
লিগি মেসা মেনা মনেদ
সের্মা পুড় রহলা দানাং রিপি রিপি
উডাও মেসা লেনা রাহাদ
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!
বাগান বাহা ভাওয়ার উরু লেকা
তঁগে তাঁহেকানা মিৎ সাগাই
উডাও সাহায় এনাম বির চেঁড়ে লেকা
হাতাও কেদাম তপাঃ বিদাই
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!!
লিল সামুদ দরয়া দাঃ যাঁহালেকা
হুরলা হুরলি তাপিঞ হেলকাঃ
ঞিদাঃ জাপিৎ সাড়াসাতে নওয়া অন্তরে
মহর মুখান আমাঃ ঝালকাঃ
সাগিঞ দিশম সাগিঞ পেড়া
উইহার মিয়াঞ সারা বেড়া!!!!!!!!
Sanghariya Tudu
আলম তপাঃ হাটিঞ তালিঞ চাঁন্দ
নওয়া সুলুক সাগাই সুতাম
নাই নালা দাঃ লেকা গাতে
সিবিল সাগাই তালাং
বি-বিদু চাঁদান লেকা গাতে
জিয়াড় দঁহয় আলাং
বি-বির চেঁড়ে লেকা গাতে
মনেরে মেনাঃ আশা
বেনাও আলাং জুরি গাতে
হুডিঞ তুকাঃ বাসা
আলম তপাঃ হাটিঞ তালিঞ চাঁন্দ
নওয়া সুলুক সাগাই সুতাম!!!!!
উডাও ভাওয়ার লেকা গাতে
চেপেচ্ আলাং রাসা
হেড়েম গুড় গতম লেকা গাতে
বাং গে তাঁহেন কাসা
সিবিল রড়তে সাহাঃ গাতে
জিউয়ী রেনাঃ লাঁগাঃ
হেড়েম লান্দাতে আন্দাঃ গাতে
ঞিদাঃ তিনরে আঁগাঃ
আলম তপাঃ হাটিঞ তালিঞ চাঁদ
নওয়া সিবিল সুলুক সুতাম!!!!!
Sanghariya Tudu
লুতি_তেরম_মনে
সুৎ রেতাম তওয়া বাহা গালাং
জাগারে ঝমর তড়া তাম
সাডেয়া রমঝম সারি আঁজম জং
কুনামি তেরদেজ মুখান মলংরে
কেচাঃ চাঁন্দ টিকলী তাম
আয়নম কাজল মেৎ দ কয়গ জং
লবয় মারাঃ ছাপা পান্চি সাড়ি
হয়তে উডাঃ আন্চর তাম
আসুল মিরু রড় আমাঃ আতেন জং
রিপিদ জাপিৎ সাগিঞ কয়গ
মুলুম মাছা লান্দা তাম
সাদম চাওয়ার উবদ আমাঃ এয়ায় রং
সামুদ দরয়া দাঃ হেলকাও আমাঃ
লিবয় লবয় তাড়াম তাম
লুতি তেরম মনে সানায়ে কুলি রপড় জং
Sanghariya Tudu
ডয়লং_ঢঁগা
সিঞ কড়াম কাপাট ভিতির
ইঞাঃ নওয়া কংকা মন
বিজড় পতাম চেঁড়ে লেকা
পাঁজা মেয়ায় সারা খন
আম বেগর গাতে বানুঞ সুকরে
তালা ঞিদাঃ জাপিৎ কুকমুরে
রড়াম লান্দায়াম ইঞাঃ কলেরে!!!!
বির বান্দ নাড়ি লেকাঃ টুডাং
গালাং বেধাও লেনা দুলাড়
তাঁগি কয়গ হররে গাতে মিনাঞ
ইঞা কলেরে তিসেম রুয়াড়
আম বেগর গাতে বানুঞ সুকরে
তালা ঞিদাঃ জাপিৎ কুকমুরে
রড়াম লান্দায়াম ইঞাঃ কলেরে!!!!!!
আলম রাপুৎ রচদ শিকড়ি গাতে
মনে রেনাঃ সেতেঞ আশা
আলম তপাগ জড়াও সাগাই গাতে
মনেরে মেনাম তুকাঃ বাসা
আম বেগর গাতে বানুঞ সুকরে
তালা ঞিদাঃ জাপিৎ কুকমুরে
রড়াম লান্দায়াম ইঞাঃ কলেরে!!!!!
Sanghariya Tudu
গাতে বাংচম উইহারিঞ কানা নেতার
নওয়া মনে উজাড় জিউয়ি
আম লাগিৎ গাতেয় আড়ি
বিজড় চেঁড়ে লেকা পাঁজামে
ধাওড়া ধাওড়ি সারা ঘাড়ি
গাতে বাংচম উইহারিঞ কানা নেতার!!!!
রহড় আজেৎ গাডা মুডু
বারু দারে উমুল লাতার
হারা জুয়ান মনে হুডু হুডু
তাঁহে লিনাঞ উন বেতার
গাতে বাংচম উইহারিঞ কানা নেতার!!!
ঞিদাঃ জাপিৎ আজকা এভেন
উরগুম আটেৎ উয়ু দানাং
ইঞা লুতুর কিনরে তাকেরঃ
আমাঃ সিবিল সিবিল আড়াং
গাতে বাংচম উইহারিঞ কানা নেতার!!!!!!
গিতিল গাডারে বা-জড় জাঁগা
নিতহঁ পাঁজা ঞেলঃ গেয়া
তিরে-তি সাব কাতেৎ তাড়াম লাঁগা
গাতে চিকাঞ হিড়িঞ মেয়া
গাতে বাংচম উইহারিঞ কানা নেতার!!!!
রচদ্ মলং
আমেম ছুডার কাদিঞরে গাতে
জিয়ন রেনাঃ জেলেঞ ডাহাররে
খড়েৎ খড়েৎ তাড়াম আকাদ মিনাঞ!!!
দিনম নিঝুম নিচল একলা বেড়া
উইহার হিজুঃ রেঁহ নওয়া মনেরে
মাঁহা চাঁন্দো তায়ম সের্মা হেওয়া ইনিঞ!!!
আঁধা তাঁহেয়েনা অঁড়েচ্ অল কাহনি
খাদি সারেজ্ এন সাজাও কুকমু আঁশা
বিন সাহেদ আন জিউয়ী ইঞমা মিনাঞ!!!
বুরসি সেঁগেল লেকা মগদ মগদ
হুরুম ডিগির জিউয়ী তিঞ লঃ-আ
নংকান জলন জিয়ন চাঁন্দো চেদাঃ তিঞ!!!
Sanghariya Tudu
রায়বার
বির জাপাঃ বারহা দিশমরে
রাসি বাসি জেলেঞ আতু তালারে
সাব উরিচ লিদিঞ আক ইঞদ
রায়বার!!!!!
উসুল এসেল রুপ রং ঞেলতে
হেরমেৎ উরিচ মারে মাৎ চাতম
তিহিঞ হিজুঃ গাপা সেনঃ দিনম
বারবার!!!!!
ঞেল ঞেপেল রেক কুসিলেনা
রড় রপড় সানাম সাগুন সারিলেনা
সারি সারনা রেক বিবাদ ভা-ভাগড়
ভিনায়েনা!!!!!
ধরম রেজ রেপেজ্ তেবন লাগায়েনা
রিলামালা সাঁওতা তাবন বকল বডেয়েনা
সেদায় সুলুক অনা মুলুক আবওয়া তিহিঞ
অকায়েনা!!!!!
Sanghariya Tudu
আইকৗও
জিয়ন রেনাঃ তাড়াম হররে
সাউড়ি সাগাৎ লেকা মনে
আমরে জাদগঃ ঝালিলেন
আমাঃ আয়নম কাজল মেৎরে!!!
মেসকচ মুলুচ মুলুচ লান্দা
হারা জুয়ান মনেয় ছান্দা
কয়গ আকা আদঃ সানাঞা
আমাঃ মাড়ার বাঁহা লুটিরে!!!
বাগান দারে গমেড় উমুল
সারো মিরু আড়াং আমাঃ
চিকাতিঞ আইকাও আজম
নওয়া কংকা জুয়ান মনেরে!!!
ঞিদাঃ রাবাং রিতিচ্ রিতিচ্
উরগুম আটেৎ উয়ু গিতিচ্
সাওরে মেনাম লিকাঞ আইকাও
নওয়া উজাড় কড়াম কলেরে!!!
উজাড় জিউয়ী
চাৎ বাইশাক লঃল সিতুং
বারু দারে গমেড় উমুলরে
কাথা দলাং সারি লেদা গাতে
সারজম দারে বঁগা সাখিরে,,,
আমদম ইঞিজঃ মেনতে গাতে
নওয়া ফাগুন বঁগা কুনামিরে
বে-বেনাও আলাং সনের ঘাঁরজ
সুক দুখ সাও সুলুক তালারে,,,,
তিহিঞ অনা কাথাঃ মিছায়েনা
সিঞ চাঁদয় হাসুরঃ তেগে
আমাঃ সাগুন মাহা সেটেরেনা
আউরি ফাগুন হিজুঃ রেগে,,,
শিকলরে গালাং উল সাকাম
হিপিড় হিপিড় হিলাঃ কান
রাচা তালা তল বেনাও ছামডা
দারে ডারতে তেক দা-দাব কান,,,,
আম ঞুতুম সুনুম বেরেল সাসাং
গুড়গু পাটি ধিরি তেক রিদ
সারি সারজম গচ্ মাতকম ডার
মাডওয়া তালা রেগে ক বিদ,,,
বাখোল তালা সাঁগে সুবুদ পেড়া
সাওতে আতু মাঝি মড়ে হড়
আমাঃ নওয়া সার সাগুন বেড়া
থুম আশিষ আতেৎ গেক রড়,,,,
দাওড়া চেতান সিতা নালা হরাসি
কিরিঞ কিয়া সিন্দরতে আদায়েন
সিঞ চাঁদ ঞিদাঃ চাঁদ বঁগা সাখি
লেগা তিরে সাকোম সাজাওয়েন,,,
নাওয়া ঠাঁওতে ছাতা দারে সাওতে
লেবেদাম নাওয়া ঘাঁরজ দুয়ার
কুলি কংকা রড়দ অনকা ইঞদ
আম বেগর তাহেনিঞ টুয়ার!!!!!!!!!!!
Sanghariya Tudu
_______কুকমু_রানি
কুহু কুহু কোয়েল চেঁড়ে
রাগাম দারে ঝুড়রে
গাতে তিঞদ বাংগেয় ঞেলঃ
নেডা আকাৎ ঠাঁওরে
লাফাং ডাররে আমদ কিসনি
গাতে সাওয়েম চেরবেরঃ
ইঞাঃ মনদ আডি গানিসানি
গাতে বেগর হরবরঃ
ঝুড় দানাং আমদ পিয়ো
রাহা আতেম রাগা-আ
গাতে কাথাঞ দিশা লেখান
জিউয়ি তিঞদ লঃ-আ!!!!
সারদি জুয়ান মনে আলাক জাড়ি নাড়ি
টুডাং তপল মিৎ লেদা লিঞ
ঞেলান আরসি লেকা বার সিঞ লাগিৎ
রেৎ মনেম রাড়া লেদ তালিঞ
নংকান সাগাই চাঁদঃ চেদাঃ এম জড়াও লেদ
তালিঞ!!!
ঞালাঃ সের্মা সাগিঞ রাহলা দানাংরে
সাগাই দম উকু দঁহ কেদ তালিঞ
বুরু সারজম বঁগা লেকা মনে জিউয়ীরে
আমাঃ থুম দাড়ে আঁশরে আলিঞ
নংকান সাগাই চাঁদঃ চেদাঃ এম জড়াও লেদ
তালিঞ!!!
বেরেল তেরেল লেকা তগজ্
কাসায়েন
নিতমা সিপিবিল সাগাই তালিঞ
কুকমু রেনাঃ বেনাও দলান কঠা অ-হায়
ধাসাও রাপুৎ লাদুড়ঃ কান তালিঞ
নংকান সাগাই চাঁদঃ চেদাঃ এম জড়াও লেদ
তালিঞ!!!
দাওড়া চেতান গাতিঞ দয় সাজাওয়েন
কিয়া সিন্দুরতে নাওয়া বাহু তিহিঞ
আপাবারে ক ঠাঁও আয় কান দিশম দ
গেল বার বুরু খনাঃ হঁ সাগিঞ
নংকান সাগাই চাঁদঃ চেদাঃ এম জড়াও লেদ
তালিঞ!!!!
জঁহার
সাঁঘারিয়া টুড
তপাঃ_শিকড়ী
ঞেপেল হুয়লেন তালাং পেড়া
ফাগুন রেনাঃ পে মাহারে
কাথাঃ সারিলেন তালাং পেড়া
বাহা বাগান তালারে!!!!!!!
আমাঃ মনে ইঞাঃ মনে তালারে
সিকিবিল সাগাই দান্ধিলেনা
তঁগে তপল মনে শিকড়ী বাবের
আধা দিনরে খাদিয়েনা!!!!
সারজম সাকাম বাহু জাওয়ায়
কাথাঃ তালাং খালিয়েন
সাজাও আমদ বাহু ইঞদ জাওয়ায়
সারিতে তিহিঞ মিছায়েন!!!!!
ছামডা লাতার দাওড়া চেতান
হরাসিরে হরঃ কিয়া সিন্দুর
বান্দে কেদাম বঁগা সাসাং সাড়ি
তিরে মেড়হেৎ সাকোম!!!!!!
লাটিচ্ তেরেল দারে বুটারে
তিরয়ো
অকয় আদয় আতেন তিঞ
ভিনদাড় বারু দারে বুটারে বানাম
অকয় আদয় আজম তিঞ!!!!!!
তনল-জিয়ন
জজডি আতুরেন ভটে হাড়াম, হপন তায়
বারয়া, মিত্ হপনএরা।তাঁহেকান তাকো
রেঁহ অভাব,বেশ গেতা
কওয়া স্বভাব।আতু ঘেরাও আকান বির-
বুরু দারে-নাড়ি তে, ঞেলঃ কানা ঞালাঃ
ঞালাঃ। ডাংরি,মেরম আর সিম
আতেত মেনাঃ কওয়া সুলুক সালাঃ।পাড়হাঃ
তায়ায় মারাং
বাবু আর বার হড় দ ঞুতুম লেকা অড়াঃ
রেগে।অভাব
রেমা নামাল কামি হাড়াম বুড়হি চালা আকিন
গামাল
গামাল।তাঁহেন যুখান অড়াঃ রে চালা আকিন
বাকি
বারয়া তারাস আর সুমি সুর আতু স্কুল
তে।
বাং কুলয়াঃ রেহ ভটে হাড়াম দ বাং চালাঃ
বুঝাও
এয়া সাগিঞ দিশম কামি লাগিত্ তে বাজার।
আতুরেন আর কদ ক চালাঃ কান গেয়া
হাজার
হাজার।হাপড়াম আমলখন বাস আগু আকাত্
ধিরি মেশা হারয়াড় দিশম রেনাঃ মায়া।নওয়া
দিশম হিড়িঞ বাগি লাগিত্ চিকা বাং উডু কঃ
তায়া দায়া।গুনি ভাবিতেয় লাঙ্গায়েনা চিকায়
বেনাও সিবিল ঘারঞ্জ,চাবায়েন তায়
ধৈর্য,
বায় দাড়েয়াদা অর্জ,উতার এনায় মকঞ।
মনে-জিওয়ি রাড়েচ লাগিত ধুরাও এনায়
ভাটি চালাঃ,তালহাও বাং বদল লেনা হালাত।
নতে ভটে বুড়হিয়াঃ মেনাঃতায় গে
আশা,বায়
ঞামেত রেঁহ জিয়ন রেনাঃ রাসা।কামি
য়েদায়
একলাগে উটুচ পুটুচ,তেয়ার লাগিত্ "হড়"
মারাং
বাবু,বাংখান উতারঃ আ জিয়ন ডাহার তালা
হর রে ডাবাডুবু।হারা চালাঃ কানাকিন বাবু
মাই তাকিন,সেড়া আকাদাকিন নেতার দ
দাকা
উতু ইসিন।আতু অড়াঃ রেনাঃ নিধান হয় তে
লেবেদ এদাকিন এটাঃ হর।নিংকা রেদ
হাপেন দিন চিকাকিন বেনাঃ জুলুঃ ইপিল?
মারাং বাবু রাধু ঞাম কেদায় কামি কষ্ট
কাতেত্
আডি,সংসার হঁ ইনাঃ তেদ বেনাও আকানা
যেমন
জন্ডরা খাডি।ভটে হাড়াম আর্জাও
আকাদায়
ভাটি হিরি হিরি আজার,চালাও হঁ বায় দাড়েয়াঃ
কানা নেতার দ বাজার।হপন ঞাম কাতেত
কামি
হাড়াম বুড়হিয়াঃ হাওয়েত আকান তাকিনা ঘাও,
মনে লেদাক নিত দ জানিচ তাঁহেনাক
বেশ সাঁও সাঁও।
ঢেউ রাকাব এনা যেই,আত কেদাক
খেই,ভটে হাড়ামাঃ
সংসার ধুরাও এনায় ঢেকার,উনাঃ খাটুয়ৌ যত
গেকি
হুয়ু আ বেকার?যত হড়াঃ মলং বায় সাহাওয়া
সুখ,
পুচুজ আকাদাক যত সুলুক রেনাঃ হুক।হাট
পাতা
দাড়ান দাড়ান তারাস বেনাও আকানায় প্রধান,
মাতাল
গাঁওতা রেন।সারাঘাড়ি মেতা আকো
কানায় অড়াঃ
হড় হিনা নিয়া দেন।উডুক আকাদায় হড়
ভাগাও তুয়ু বুদ্ধি,
হুয় আকানায় শেয়ান।জিওয়ী -জাতি
হেলা-ফেলা কাতেত
ধারতি স্টেজ রে অড়াঃ হড় উদুঃ
আকো কানায় গায়ান।
দিন পারোমঃ কানা আডি নাচার,বল আকানায়
জানিচ
গাজাড়,মনে মনে ভাবিয়েদায় রাধু।
দুখালি চিতার
বদল লাগিত চিকায় উদুগ জাদু?আলম ভাবনা
আয়া
রাধু,মেন এদায় আতু হাড়াম ভাদু বহঃ গাদুর
গাদুর।
চেত এম মেনা যত গিদার পূর্ণিমা দিন
রে ধুরাও
আকানাকো উদুর।নেতার রেন যত
গিদার গে ঝানু,
আউরি বাগি তেগে নুনু,বেনাও
আকানাকো মিত
মিতটান হনু।হলা গে ঞেলেমেসে
আলে মানু,বতর
লাজাও বানুঃ, গিতিচ লেনায় বরবডাং
তাঁহেকানায়
মিত ঞিদা সাডাং।আদ মাসে চেত এম
মেতায়?
ভটে বুড়হিয়াঃ হঁ ঢের আকান তায়া
চিন্তা,বাঞ্চাও
তাহেন রেনাঃ ইচ্ছা ভোঁতা চালাঃ কানা।বায়
বুজ
এদা মজ,নংকান ঝামেলা রোজ
রোজ।লাই য়ায়
দুখ কাথা মাসে অকয় ঠেন,ধুরাও
আকানায় তারাস
নতে সুনুম লেকা লেন।নওয়া পুটুর
দিশম ঠন ঠন,
তিনাঃ কষ্ট কাতেত একলাতে আর্জাও
লেদায়
দিন চালাঃ লেকা ধন।মেতায় কানায় তারাস
"হেঁদায়া চেদাঃ মাসে বাম বুজ এদা
হপনবাবু,
আম সাঁবড়াও তেগে আলেমা যত
কাবাকুবু"।
করাও রেহঁয় যাহা তিনাঃ বাড়িচ্, কামিগেয়
রাগিয়াঃ গিদার চেতান বানুঃ আড়িশ,নংকান
গেয়া সারা ধারতি আয়ু দুলাড় সরেশ।
ভটে
এরাত তেত আঃ মেনাঃ গেতায় আশ,চাবাঃ
কান রেঁহ মিট্টিচ মিট্টিচ মাস।রাকাব
গেয়ায়
চাঁদো চাবা কাতেত ঞুত,বায় তাহেনা
তারাস
জানিচ বারোমাস দ ভুত!
তারাস এ আগু কেদেয়া বাহু,
তাঁহেয়েনায়
কদিন দ বেস।আউরি চাবাঃ তেগে
রেশ,
বদল কেদায় রাইকাকড়া লেকা রং,অড়াঃ
দুয়ার হুয় চালাও এন ভদর ভং।যাহানাঃ এম
মেতায় খান হেচ কাতেত বুল-মাতাল
ধুরাঃ-আয়
খালি দাদাল।চাবা আকাদায় দিশা পয়সা,
বেনাও আকানায় ডডা বহঃ,হড়মো দ
কাডেজ
লেকা,আদ জানিচ বায় সঝে আ
তাঁহেনায় আয়্চ লেকা।
রাপুত গদঃ কান রেঁহ মনে জিওয়ি
মনেয়দায় রাধু।
"সাহাও খমতায় এম আকাদিঞ তেগে
জানিচ চাঁদোবগাঁ
নুনাঃদয় পায়রা হচঞ কানা উকুচ ডুবুচ দুখ
দরয়া রে।"
জেঙ্গেত জেঙ্গেত ঞেল
লেনা জিয়ন বাহা,উইহার
লেদায় তিনাঃ কিছু তায়ম-লাহা।ধাসাও এনা
আড়ে,
চাবায়েনা দাড়ে,ঞুর আকানায় তালা দরয়া
রে,
আদ মাসে নিতঃ অকয় দরেয় অর
রাকাবে?
ঞুহুম ঞিদা কাড়াং কাড়াং,আলসেয়াম দাড়ান,
মেতায়াক তারাস।এন্তেরেঁহ মেন
কাথা বাং গেচয়
আজম।মেন এদায় ভটে হাড়াম"অড়াঃ
রেগে বাম
তাহেন কান দ?এ বিটি সুমি,আসকেতঃ
কানাম
নেতার দ জঃগিডি কামি।আলম দাড়ান যাহাঁ -
মান
তাঁহা"।মেন গত্ কেদায় সুমি
পকপকো মচা বেনাও
কাতেত"অকারেচম ঞেলিঞ
কান,মিনাঞ গেয়া
অড়াঃ রেগে,এনাং মিত ঘাড়িচ সেন
লিনাঞ
দকান,আগুয় লাগিত সাবন"।চেত হঁ বায় লাই
লেদা ভটে, যে সুমি দ চেদাঃ এ
খেল কানা "হাকু হাকু
রটে"।ঞেল এদায় কুকমু তাহেন
লাগিত ভালি,
ঝুপুতুড়ু কুড়িতরামা জানুম-ঝান্টিরে বাং ক
দহ
হটকায়া ত ঝালি? ভটে হাড়াম দ দুড়ুপ-
দুড়ুপ নওয়া
ক গেয় ভাবনাঃ কানা খালি।নেতার রেন
যত কড়া
গিদার সাঁওতে আঙ্গায় লাগিত ঞিদা ধুরাও কঃ
আ ক এটেচেটে,হানি নৌই সাঁও সাগাই
জড়াও
কাতেত রেটেপেটে।অনা ক কাথা
সুমি লৌই তেঁহ
ভটেদয় বুজ এদা আডি করয়্চ মটয়্চ।
ভাবনাঃ কানায় ভটে বুড়হি মেন এদায়
মনে মনে
"চট চান্দো সেরমা ইপিল, ইঞ দ শুধু
বোঝা দিপিল?
আর নংকাগে যাঁহায় ক পাড়াও আকাদাকো
দুখ সঁঘা,
উনকু কহঁ তিনাঃ কষ্টতে লাহায়েদা ক
জিয়ন ঢঙ্গা?
"পান্তে রপড় কুলহি পিন্ডৌ
গল্পয়েদাকিন বিন্ডৌ-বিন্ডৌ
রাধু আর গড়ম হাড়াম ভাদু।লাই এদায় ভাদু
"হানি
তিস সেদায় রে বাছাও লেদা ক
আবো ক রেন
হাপড়াম ক 'গয়্চ ডাঙ্গরি বডয়্চ হান্ডি'
থবড়ে লেন
তাবোনা বহঃ কান্ডি।কুশিয়াত তাহেন বন
পাহিল
বাইরি কওয়াঃ মেতরে ধুড়ি এর লাগিত
নিশুন ঠাঁও
বুরু- গাজাড়। যুগ সাঁওতে বাং বন
দাড়েয়াকাদা উর,
আচুর আকানাবন তিনাঃ হান্তে নাতে ঘুর-
ঘুর।নাহাঃ
যত তেয়ারাকান মারাং মারাং নাগার, হড় কহঁ বায়
বায় তে
আকানাবন বেগার,কাউডি রেনাঃ গদি রে
দুড়ুপ
আকানাকো যত দিকু ছাতিক,আবো
সান্তাড়াঃ দ
মেনাঃ গেয়া সেদায় বাতিক।অনা
তেগে ত বাংবন
দাড়েয়াঃ কানা আচুর জিয়ন নিঘৌ,মেনাঃ তাবন
রেহঁ
জমি জায়গা বিঘা বিঘা।"বহঃ তুম্বুত তুম্বুত
আজম এদায়
রাধু,হাপেন দিন রেনাঃ কাথা ক উইহার
কাতেত বুজ
এদায় কাদুঁ মাদুঁ। মেন এদায় রাধু "চিকাঞ
উডুকঃ আ
থালি খন,বহঃ আচুরঃ কানা বন বন,আর হঁ
নতে সিড়িঁচ
সংসার রে আবোঃ লাগিত উডাঃ কানা ক র
হান্তে নান্তে
ভন ভন।পারম চালাঃ কানা উমের, উনাঃ
দায়িত্ব মাসে
চিকা তেদঞ গেমের?"
তপল দুলৗড় তপাঃ আকান
আমহঁ আপে
আতোরেম হারালেনা,
ইঞহঁ আলে
আতোরিঞ হারালেনা;
মোবাইলতে
পৈল লাং রপড় লেনা;
বরাবাজার বাস স্ট্যান্ড রে
পৈল লাং ঞেপেল লেনা;
ঞেপেল খন গে বৗই-বৗইতে
আমাঃ ইঞৗঃ মনে তপল লেনা;
বৗই-বৗইতে তপল মনে
গাহির চালাও লেনা;
গাহির খনগে আমাঃ ইঞৗঃ
"দুলৗড় সৗগৗই" বেনাওলেনা;
উকুল-ডুবুল দুলৗড় দরয়া রে
তিনৗঃ লাং পায়রালেনা
তিনৗঃ লাং চেরেজঃ কান তাঁহে
দুড়ুব পান্তে কাতে;
মিৎ ডৗর রে আব আকান
মালাপতাম লেকা কেনে-কতে;
কাথা তাঁহেকানা
আমহঁ ইঞিজ্-ইঞহঁ আমিজ্;
দুলৗড় তাঁহেন তালাং
জনম-জনম গুজুঃ বুরু ধাবিজ;
কাথা''ম হিড়িঞ কেদা গাতে
আমে'ম সাহায়েনা;
সুখ বদলতে যুওয়ৗন জিওয়ীরে
ইঞৗঃ দুখ বলয়েনা;
আমে'ম চালাওয়েনা গাতে
রেঙগেচ আলে মেনতে;
সুখরেম তাহেঁনা আশতে
হড়াঃ তি সাব কাতে;
আম মা গাতে কেনে-কতে
নাওয়া জুরি আতে
ইঞ মা মিনৗঞ একলা গাতে
দূখ সেপেঞ কাতে ;
অকয় খাতির তপাঃ এনা
নওয়া তপল দুলৗড় ?
আরহঁ কি জড়াও রুওয়ৗড়
নওয়া তপাঃ দুলৗড় ?
কি জানি, হেঁচং,
বাং জানিচ খান
আম ত নাওয়া জুরি'ম
ঞাম জং আন ।
ইঞ দুখ এম কাতে
সুখরে যদি'ম তাঁহেন কান;
সুখী তাঁহেন মে বাড়ে
নওয়া ইঞিঞ আশীষ আম কান ।।।
***ইঞ দ অভাগিয়ৗ*(ᱤᱧ ᱫᱚ ᱚᱵᱷᱟᱜᱤᱭᱟ.)
---- Ramdhan Murmu
হারা তরা ছেমেক ছিলকৗও,
এসেল উসুল কুড়ি ডাঁডা ক হিলৗও।
গাদেল গাদেল কলেজ কুড়ি কড়া,
মুলুজ লাঁদা মেসা সিবিল সড়ম কাথা ক রড়া।
হায়রে! ইঞ দ অভাগিয়ৗ হেঁদে কড়া,
ইঞ ঞেলতে সানাম ক দৗড়া।
জীওয়ী তিঞ দ সরগ্ সেরমা লেকা,
মনে তিঞদ সাদা কাগজ লেকা,
সানাম ক মনেয়া ইঞ দ লেলহা বকা।
নওয়া মঞ্চ পুরি ঞেলঃ হৗড়য়ৗর,
ইঞাঃ মনে জীওয়ী অকয়ে জীয়ৗড়,
"ইঞ দ অভাগিয়ৗ" ইঞ সাঁও অকয় দয় দুলৗড় ?
ᱦᱟᱨᱟ ᱛᱚᱨᱟ ᱪᱷᱮᱢᱮᱠ ᱪᱷᱤᱞᱠᱟ.ᱣ,
ᱮᱥᱮᱞ ᱩᱥᱩᱞ ᱠᱩᱲᱤ ᱰᱟᱸᱰᱟ ᱠᱚ ᱦᱤᱞᱟ.ᱣ᱾
ᱜᱟᱫᱮᱞ ᱜᱟᱫᱮᱞ ᱠᱚᱞᱮᱡᱽ ᱠᱩᱲᱤ ᱠᱚᱲᱟ,
ᱢᱩᱞᱩᱡ ᱞᱟᱸᱫᱟ ᱢᱮᱥᱟ ᱥᱤᱵᱤᱞ ᱥᱚᱲᱚᱢ ᱠᱟᱛᱷᱟ ᱠᱚ ᱨᱚᱲᱟ᱾
ᱦᱟᱭᱨᱮ ! ᱤᱧ ᱫᱚ ᱚᱵᱷᱟᱜᱤᱭᱟ. ᱦᱮᱸᱫᱮ ᱠᱚᱲᱟ,
ᱤᱧ ᱧᱮᱞᱛᱮ ᱥᱟᱱᱟᱢ ᱠᱚ ᱫᱟ.ᱲᱟ᱾
ᱡᱤᱣᱭᱤ ᱛᱤᱧ ᱫᱚ ᱥᱚᱨᱚᱜᱽ ᱥᱮᱨᱢᱟ ᱞᱮᱠᱟ,
ᱢᱚᱱᱮ ᱛᱤᱧ ᱫᱚ ᱥᱟᱫᱟ ᱠᱟᱜᱚᱡᱽ ᱞᱮᱠᱟ,
ᱥᱟᱱᱟᱢ ᱠᱚ ᱢᱚᱱᱮᱭᱟ ᱤᱧ ᱫᱟ ᱞᱮᱞᱦᱟ ᱵᱚᱠᱟ᱾
ᱱᱚᱣᱟ ᱢᱚᱧᱪᱚ ᱯᱩᱨᱤ ᱧᱮᱞᱚᱜ ᱦᱟ.ᱲᱭᱟ.ᱨ,
ᱤᱧᱟᱜ ᱢᱚᱱᱤ ᱡᱤᱣᱭᱤ ᱚᱠᱚᱭᱮ ᱡᱤᱭᱟ.ᱲ,
"ᱤᱧ ᱫᱚ ᱚᱵᱷᱟᱜᱤᱭᱟ." ᱤᱧ ᱥᱟᱸᱣ ᱚᱠᱚᱭ ᱫᱚᱭ ᱫᱩᱞᱟ.ᱲ ?
