সান সিঙ্গাড়
☞পাউল জুঝৗর সরেন
আয়ুপ রৗনি ঝাবারৗলি,
সিঁদুর খাঁড়ি সাজ,
পছিম কঁড়য়ে তেঙ্গোয়েন,
সামানম রিমিল তাজ!
লিলরং হড়ম নিফুটগে,
উপ্ লুদগুপ্ লুদণ্ডপ
মেৎ মা কুটি ঞুৎ গাজাড়,
মারাং দাই নায়ুপ্।
টেড়েপ্ রটে ঘুগুরি,
উরু ভান ভান,
নাঁধাওয়েন ঞামেন।
আয়ুপ্ দারাম সেসেরেঞ,
দারে আস্সায় ঠেন তিয়োগ,
কঃ রৗস্কৗ কুকুচ্,
কাঁহু কুড়িৎকো গিদি,
কিসনি হুচ্ হুচ্।
গুপিক সাঁও গৗই মেরম,
হড়ক চাতম গঃ,
রুওয়ৗড় কানক হো,
হানকো, উমুলতে অড়াঃ।
চিপ্ চিড়িপ্ সিম, সুকুরি,
পেঁক পেঁক গেডেকো
নিরাই বাড়া কোলেরে
বল ঞাওয়ানক।
দারে নীড়ি মা নিঝুম,
সত মা সাচ্ সুচ্
তোয়ো রুন্ডীওয়াঃ আওতান,
চুঁদ হুঁ ছুচ্ ছুচ্।
(খান) সারদি সাজে বঃদল কান,
আস জিরীও ঞামজং,
সিঁদুর বদল ডাগ ইপিল,
টিপানায় মলং!
(আদ) চেড়ধা রিমিল কারিদাং
জরকেত্তায় দাঃ পুরুয়ৗ খন
আপ্ আবুক—
জাঁগা দারাম দাঃ!
(খান) বৗরুডাং দ তুমেদাঃ,
রটে মা টামাক,
ঘুগুরি, উরুকুড়ি,
জমকে জমক!
